काचा बिचा

काचा बिचा
वाटेवर
कुठे सांडल्या, पडल्या
काचा बिचा
वाटेवर
उन्हात माखल्या
काचा बिचा
वाटेवर
मातीत रुतल्या
चमकल्या किरणांनी
डोळा
चटकन दिसल्या
काचा बिचा
वाटेवर
पायात जायच्या
काचा बिचा वाटेवर
रक्तअस्तित्व
जपायच्या..
उन्हाने केली ही कमाल
डोळ्यात झोंबती किरणे
काचाबिचा चुकवून
वाट पुढची शोधणे... 

Comments

Post a Comment

Popular posts from this blog

क्रीमचं बिस्किट

आज ऑफिसमधून निघाले तेव्हा जाम भूक लागली होती. खूप उशीर झाला होता. मध्ये थांबून खायला घेणं इम्पॉसिबल होतं. प्लॅटफॉर्मवर बर्बन (उच्चार ज्याला जसा वाटेल तसा करावा.. ) बिस्किट्स घेतली. तीन बिस्किट्स खाल्ल्यावर थोडी भूक तर भागली. मग जीभ मात्र म्हणाली थोडा और.. पण बिस्किट खायचा मूड नव्हता.. ऑब्वियसली मग बिस्किट ओपन करून फक्त क्रीम खाल्लं. फारच कमी क्रीम होतं. लहानपणी एका बिस्किटच्या क्रीमचा मस्त चिमुकला चेंडू व्हायचा. पण हे क्रीम फारच कमी होतं. बरं एक बिस्किट ओपन करून क्रीम चट्टाम ट्टा केल्यावर दुसरं बिस्किट पण म्हणालं काइंडली रिपीट द सेम प्रोसेस.. ;p मी लग्गेच तसं केलं.. शेवटचं बिस्किट पण तेच म्हणणार होतं. तेवढ्यात समोरच्या सीटवर एक चिमणी बसली होती. ती तिच्यासोबतच्या आजींना म्हणाली.. देखो वो मेरे जैसे खाती है.. ऊप्स... आजूबाजूला कोणी असतं याचं भान का बरं बाळगावं लागतं.. मी तिच्याकडे पाहिलं, ती हसली.. वो इनोसंट स्माइल.. हाय मेरा तिसरा क्रीम का बिस्किट जानेवाला है.. तिसरं बिस्किट काढलं.. त्याचं क्रीम वेगळं केलं.. तिच्यासमोर धरलं.. म्हटलं.. खाओगी..? मेरे जैसा? ती नको म्हणाली....
Read more

मृत्युपत्र

करायला हवंय आता मला माझंही मृत्युपत्र कदाचित जगायला मिळालंय तेवढं पाडून घ्यावं दान ओंजळीत.. काय घडेल, कुठे घडेल नाही समीकरण जुळत जातोय जीव असाच सगळ्यांचाच.. सगळ्यांच्याच नकळत! कोण जाणे कधी संपेल चार श्वासांचं लेणं असेलही उधार कदाचित सध्याचंच जगणं.. कोणतरी खेचतं वरून दोरी नि संपतं जगणं रक्ताच्या चिखलात शेवटचा श्वासही मिळत नाही वेदनेची जाणीव फक्त डोळ्यांत.. असंच झालं तर घ्यायचा कसा निरोप शेवटचा, कृतज्ञतेची जाणीव होती, तेवढाच हळवा कोपरा जरासा.. म्हणूनच करायचंय एक मृत्युपत्र लहानसं, ते वाचताना नक्की स्मरेल माझं जगणं जरासं.. पैसा तर नसेलच खिशात फारसा पण पुस्तकांचा खजिना दे उधळून, दुर्गम खेड्यातल्या मुलांमध्ये वाचनवेडा आनंद जाईल सहज रुजून! कॅमेऱ्यामध्ये टिपेल सहज माझं भाचरू, माझं उरलं गाणं त्याच्या फोटोंत जगून घेईन झाडापावसातलं शिल्लक जगणं.. कवितांची डायरी माझी आहे कपाटाच्या तळाशी तिच सांगेल तुला तिची विल्हेवाट कशी लावायची.. किंवा देऊन टाक डायरी माझ्या पक्क्या दोस्ताला तोच येऊन सांगेल की, आठवायचं गप्पांमधल्या मृण्मयीला.. थोडंसंच पाहून खूपसं सांगतेय.....
Read more

डोळ्यातला दुष्काळ

 पाण्यासाठी तडफडणाऱ्या तुला.... आणि फक्त तुलाच...   पाणी इतकं तळाला गेलंय की तळ पाण्यावर तंरगतोय बाई ग, शोधतेस तरी कसं पाणी... गढूळलेलं पाणी हंड्यात भरताना धीर कुठून गोळा करतेस, कच्च्याबच्च्यांना तेच पाणी देताना स्वतःला काय समजावतेस... ते पाणी स्वच्छ तरी कसं करतेस लहानपणी ऐकलेलंस ना, पाणी गाळून, उकळून प्यावं... विरघळत नाही का तुझ्या मनाच्या आगीत त्या गढुळल्या पाण्यातले खडे... तुझ्या डोळ्यातलंच पाणी खरं शुद्ध, ते बघताना तडफडते मी, माझ्या डोळ्यातही पाणी येतं पण त्यात तुझी शुद्धता नाही... तुला द्यायला माझ्याकडे शुद्ध पाण्याचा थेंबही नाही... माझ्या स्वतःच्या डोळ्यातही स्वार्थी जगण्याची भेसळ आहे.... पाण्यासाठी तडफडणाऱ्या प्रत्येक तुला... फक्त तुलाच
Read more